Drejtori i SHSKUK-së, Valbon Krasniqi thotë se në Kosovë ende nuk është identifikuar varianti i ri i Covid-19, i quajtur “Mu”.
“Tani për tani në Kosovë nuk është identifikuar dhe nuk kemi informata për dyshime për ndonjë variant të tillë të mundshëm. Kemi lexuar dhe kemi parë që mbase mund të jetë edhe në Ballkan, ose në Greqi ishin disa raste me variantin e ri”, tha Krasniqi.
“Në këto momente primare kemi të luftojmë këtë pandemi dhe valë epidemiologjike dhe të kalojmë këtë valë që kemi”, shtoi ai për RTV21.
“Pa marrë parasysh çfarë variantesh të tjera dhe nëse shpërndahet në forma ajrore, masat e parandalimit do të mbesin të njëjta, tha Krasniqi.
Rastet e infektimeve në Kosovë janë rritur së fundmi duke sjellë një kolaps në sistemin shëndetësor. Këtë javë hynë në fuqi masat e reja anti-Covid duke nisur nga rikthimin i orës policore dhe shtyrja e fillimit të shkollës.
