Detaje të reja janë zbuluar rreth ngjarjes së sotme në Trieste, ku pas një përplasje midis dy grupeve shqiptare dhe kosovare, kanë mbetur të plagosur 8 persona, njëri prej të cilëve është në gjendje të rëndë.
Sipas mediave fqinje, ngjarja e sotme është një “lajre hesapesh”, shkak i një sherri të nisur muaj më parë, ku më 7 Korrik ndodhi një përplasje në sheshin Sansovino të Triestes, e cila nisi nga ngacmimi ndaj një femre të grupit tjetër.
Në sherrin e parë, përplasja kishte ndodhur me mjete rrethanore duke lënë 4 persona të plagosur, ku nga skenat e filmuara nga kalimtarët, shihen disa persona që qëllojnë me grushte një person tjetër.
Për përplasjen e sotme, mediat italiane shkruajnë se shkak mësohet të jetë bërë një mosmarrëveshjeje për çështjet e punësimit. Të rinjtë janë përballur fillimisht me hekura, për ta degraduar situatën deri në nxjerrjen e armëve nga njëri prej personave të përfshirë në sherr.
Policia bllokoi zonën dhe po punon për zbardhjen e rrethanave të ngjarjes.
