Sheshi i rikonstruktuar në kuadër të Rilindjes Urbane në qytetin e Memaliajt, duket se po del jashtë funksionit. Sheshi që ka në përbërje të tij edhe tre shatërvanë të projektuar dhe të veshur me pllaka por që mungon uji. Projekti i ka kushtuar xhepave të qytetarëve shqiptarë një 1 milionë eurove, por ende pa u harruar dita e përurimit dolën jashtë funksionit.
Qytetarët e Memaliajt, shprehin qartë revoltën ndaj Bashkisë e cila është përgjegjëse pasi ka marrë në dorëzim një vit më parë këtë vepër publike që ka për synim relaksimin e qytetarëve.
“Mund të them se ky është objekt është marrë në dorëzim jashtë funskionim. Tregon mungesë nga stafi i bashkisë duke i humbur bukurinë dhe vlerën këtij investimi. Është dhënë një fond mbi 1 miliardë lekë dhe këto shatërvanë nuk kanë funksionuar asnjëherë”, shprehen banorët e këtij qyteti.
Bashkia e Memaliajt nga ana e saj ka qëndruar e heshtur dhe nuk ka marrë asnjë masë për ta rregulluar.
