Policia e Shkodrës ka vënë në pranga dy persona pasi akuzohen për vjedhje dhe plagosje të rëndë me dashje. Bëhet fjalë konkretisht për personat e identifikuar me iniciale Q.M., 25 vjeç, banues në lagjen “Bahçallëk”, i dënuar më parë për veprën penale “Vjedhje”.
Policia jep detaje se ndalimi i tij u bë për veprën penale “Plagosje e lehtë me dashje”, pasi mbrëmjen e djeshme pas një konflikti të çastit në lagjen “Iliria”, Shkodër, ka plagosur me mjet prerës (thikë) Ç.V, i cili ndodhet në spital, jashtë rrezikut për jetën.
Gjthashtu, u bë ndalimi edhe i të dëmtuar Ç.V., 28 vjeç, banues në lagjen “Breg Lumi”, Laprakë, Tiranë, i dënuar më parë për veprat penale “Armëmbajtje pa leje”, “Moskallëzimi i krimit”, “Drejtimi i automjeteve në gjendje të dehur apo pa dëshmi” dhe “Vjedhje”.
Po ashtu policia jep detaje se ndalimi i tij u bë pasi i arrestuari në fjalë ka qenë I shpallur në kërkim policor për veprat penale “Kanosja” dhe “Përndjekja”, sepse ka bërë kallzim ish-bashkëjetuesja e tij se për rreth dy javë e ka përndjekur dhe kanosur.
