Manuel Cabit vazhdon rehabilitimin e tij në Paris që prej një aksidenti që ka ndodhur në 2019-ën.
Ish-lojtari i Metz ka rreth 22 muaj që qëndron jashtë fushës së blertë, por dëshira e tij për t’u rikthyer është shumë e madhe. Në një intervistë për ‘Republicain Lorrai’ 28-vhjeçari është shprehur se ai është duke luftuar për rikthim dhe nuk do të dorëzohet kurrë.
“Unë jam shumë mirë, po përmirësohem dita ditës. Është e vërtetë që ka kaluar një kohë e gjatë, nuk është e lehtë çdo ditë, por unë luftoj dhe kurrë nuk dorëzohem. Siç thashë, ka përmirësime dhe kështu shpresoj të ec përsëri. Dhe pse jo, të filloj të luaj përsëri. Një pjesë brenda meje e beson atë gjë dhe unë po punoj për të”-tha lojtari.
Ai dhe shoku i tij i skuadrës Kevin N’Doram u përfshinë në një aksident pranë Ormes, mirëpo Cabit mori një dëmtim të rëndë.
N’Doram, i cili ishte dhe drejtuesi i makinës u dënua me një vit burgim dhe një gjobë prej 10 mijë eurosh dhe pezullimin e lejes së drejtimit./Gijotina.com
