Një lajm i hidhur është raportuar për admiruesit e yjeve të “Hollywood” . Aktori i serialit të famshëm “The Wire”, Michael K. Williams, është gjetur i vdekur në apartamentin e tij në Brooklyn. Mbidoza e heroinës mendohet të ketë qenë shkaku i ndarjes nga jeta të aktorit, shkruajnë mediat amerikane.
54-vjeçari u gjet në sallën e ngrënies, i përmbysur dhe pa ndjenja, ndërsa në tavolinën pranë tij raportohet se është gjetur heroinë.
Williams, i cili në të shkuarën ka folur hapur jo pak herë për problemet e tij me drogën, u shpall i vdekur nga autoritetet gjatë mesditës së djeshme. Nuk dihet prej sa kohësh aktori kishte qenë i vdekur. Të afërmit treguan së kishin disa ditë që nuk dëgjonin prej tij.
Michael Williams, njohu suksesin e tij më të madh flaë rolit si ‘Omar Little’ në serialin e famshëm “The Wire” dhe së fundmi u nominua në çmimet Emmy për një tjetër rol në serialin “Lovecraft Country”. Ai la pas djalin e tij të rritur, Elijah.
