Kombëtarja shqiptare ka mundur thellë San Marinon, me rezultatin 5-0. Kuqezinjtë shënuan pesë gola, duke regjistruar një nga triumfet më të thella.
Manaj ishte ai që hapi siparin e golave në minutën e 32, duke zhbllokuar shifrat.
Në pjesën e dytë San Marino u fut pa koordinata të qarta duke pësuar edhe katër herë të tjera.
Qazim Laçi shënoi golin e dytë në minutën e 58, pas një gjuajtje përfekte në cepin e portës. Pastaj ishte radha e Brojës në minutën 61-të, që edhe njëherë tjetër tregon se edhe si zëvendësues mund të shënojë.
Radha ishte për kapitenin Elseid Hysaj, duke shënuar golin e katërt në minutën e 68-të. I dyti për mbrojtësin shkodran me fanellën kuqezi.
Në golin e pestë Broja tregohet altruist, duke ia dhënë Uzunit të shënojë. Shqipëria merr vendin e dytë në grup, pasi Anglia mposhti Poloninë 1-0.
