Kombëtarja shqiptare mori mbrëmjen e së mërkurës një fitore spektakolare me rezultatin 5-0 ndaj San Marinos në ‘Elbasan Arena’, e vlefshme për kualifikueset e Botërorit ‘Qatar 2022’.
Kuqezinjtë kanë mbaruar 6 nga 10 ndeshjet e saj të kualifikueseve dhe në fund të sfidave të shtatorit ia doli që të merrte vendin e dytë në grup dhe mund të sigurojë pjesëmarrjen në Play-off.
Përfaqësuesja jonë ka marrë katër fitore në grup, të cilat kanë përkuar edhe me faktin se në ndeshjet ku kanë dalë me tri pikë, djemtë kanë ruajtur edhe rrjetën e paprekur.
Bazuar në statistikat e rrjetave të paprekura, Kombëtarja jonë renditet mes skuadrave më të mira.
Danimarka është në vend të parë dhe ka luajtur 6 ndeshje, i ka fituar të gjitha dhe nuk ka pësuar asnjë gol deri tani. Me 5 ndeshje me rrjetën e paprekur vijnë skuadrat e Gjermanisë, Kroacisë dhe Italisë.
Ndërsa Shqipëria ka barazuar Anglinë me 4 rrjeta të paprekura në dy takimet me San Marinon, me Andorën dhe me Hungarinë./Gijotina.com
