Ministria e Shëndetësisë së Kosovës, sipas të dhënave nga Instituti Kombëtar i Shëndetësisë Publike, informon se në total numri i rasteve aktiveme Covid është 20,652. Numri i përgjithshëm i të shëruarve është 131.930, ndërsa nga fillimi i pandemisë kanë vdekur 2,728 persona.
Prej fillimit të vaksinimit në të gjitha qytetet e Kosovës janë dhënë 975.279 doza të vaksinës. Deri më sot 338.147 qytetarë janë vaksinuar me dozën e dytë.
703 qytetarë janë infektuar nga virusi, ndërsa janë shënuar 19 humbje jete gjatë ditës së djeshme në Kosovë. Shifrat me Covid-19 janë stabilizuar ditët e fundit, ku është raportuar dhe për një ulje të numrit të personave që kërkojnë hospitalizim.
