Është arrestuar nga policia, pronari dhe kuzhinieri i një restoranti në Durrës për shkak se gjatë një ceremonie martesore, rreth 20 persona kishin simptoma helmimi.
Policia njofton se ka arrestuar Pajtim Kacanin, 50 vjeç, pronari i restorantit dhe Bledar Hasa, 33 vjeç me detyrë kuzhinier.
5 prej dasmorëve të helmuar përfunduan në spital, ndërsa aktualisht ndodhen nën kujdesin e mjekëve, në gjendje të mirë shëndetësore.
Ka qenë ambientet e “Delta Events” të cilat kanë pritur dasmorët ditën e djeshme. Pronari i restorantit, ka deklaruar para uniformave blu se nuk ka pasur probleme me ushqimin apo transportin e tij, pasi çdo gjë është bërë brenda normave.
Sakaq kuzhinieri ka deklaruar se çdo produkt i servirur nuk ka pasur probleme, por priten analizat nga kampionet e ushqimeve për të arritur në përfundimin se cili produkt ka helmuar dasmorët.
Ngjarja ndodhi mbrëmjen e djeshme në Durrës, ku Gijotina.com raportoi më herët se mbi 20 persona kanë përfunduar të helmuar në urgjencën e spitalit të Durrësit, pasi janë ndjerë keq gjatë ushqimit që kanë konsumuar në dasmë.
