Nëna e autorit të vrasjes në familje që tronditi Fierin mbrëmjen e së premtes ka mbetur e shtangur nga krimi që ka kryer i biri, Elton Metaj. Sabire Meta tregon se djali i saj dhe Sabrina Benga kishin dhjetë vite që jetonin bashkë, që kur ajo ishte 13 vjeçe. Kur Eltoni kishte dalë nga burgu, ai kishte vijuar komunikimet në telefon me 23-vjeçaren.
“Dhimbja është e madhe, e kam pasur si vajzën time, e kam marrë 13 vjeçe në shtëpi. Ata duheshin me kokë. Nuk e mendoja se im bir mund të kryente një veprim të tillë”, është shprehur Sabire Meta për mediat.
Ajo ka ngushëlluar familjen, ndërsa e pyetur nëse i frikësohet ndonjë hakmarrje nga familja e vajzës, ajo është shprehur se e kanë këtë të drejtë me gjëmën që u ka shkaktuar djali i saj.
Pasi ka kryer krimin, Elton Metaj ka njoftuar babain duke i thënë që ndodhej në një zonë të pyllëzuar në fshatin Peshtan dhe e ka paralajmëruar se do të vetëvritej. Gijotina.com
