Tirana ka triumfuar me poker golash në shtëpi ndaj skuadrës së Skënderbeut. Bardheblutë fituan me rezultatin 4-2 ndaj korçarëve, të cilët duket se e vuajtën shumë pjesën e dytë të kësaj ndeshje.
Ishin pikërisht bardheblutë ata që zhbllokuan rezultatin, duke marrë avantazhin që në minutën e 4-t të lojës me ndihmën e Behiratche.
Megjithatë gëzimi i kryeqytetasve zgjati vetëm dy minuta, pasi miqtë do të barazonin vlerat në minutën e 6-ë të sfidës, ku do të ishte Victor ai që do të shënonte.
Ndërsa në pjesën e dytë të ndeshjes vendasit do të riktheheshin fuqishëm me tre gola të tjerë. Ishte Ngoo ai i cili zhbllokoi rezultatin duke realizuar dopietë për bardheblutë në 59-ë dhe 73-ë të sfidës.
Limaj debutoi po ashtu me gol në këtë sfidë duke shënuar në minutën e 69-ë të ndeshjes, e cila u mbyll me poker golash nga Tirana.
Ndërsa në minutat shtesë të ndeshjes korçarët me anë të Mensah arritën të shënon një tjetër gol, duke zvogëluar diferencën me kundërshtarët /Gijotina.com
