Qindra njerëz kanë ikur nga shtëpitë e tyre në gjashtë qytete dhe fshatra të tjerë Andalucian ndërsa Spanja dërgoi një njësi ushtarake për të ndihmuar në luftimin e zjarreve pranë një vendpushimi në Costa del Sol.
Sipas Guardian, një zjarr i nxitur nga erërat e forta ka detyruar evakuimin e gati 2,000 njerëzve dhe ka vrarë një punonjës të urgjencës që kur filloi të mërkurën në malin Sierra Bermeja mbi Estepona, një vend i njohur me turistët dhe pensionistët britanikë.
Ekipet e urgjencës gjithashtu evakuuan njerëzit nga qytetet dhe fshatrat Jubrique, Farajan, Pujerra, Alpandeire dhe Juzcar të Dielën në kodrat ku zjarri po digjej mes temperaturave të larta të verës së vonë. Pesë komunitete të tjera u evakuuan të Premten.
Grumbuj të mëdhenj tymi që ngriheshin mbi male mund të shiheshin nga kilometra larg. Pamjet e publikuara nga shërbimet e urgjencës treguan zjarrfikësit që përpiqeshin të frenonin flakët në terrenin e thatë dhe të pyllëzuar.
Kryeministri spanjoll, Pedro Sánchez, njoftoi vendosjen e një njësie urgjente ushtarake për të ndihmuar në shuarjen e zjarrit.
Agjencia rajonale e zjarreve pyjore e Andalucia tha se 365 zjarrfikës po e shuanin zjarrin, të mbështetur nga 41 avionë dhe 25 automjete. Shefja e mjedisit rajonal, Carmen Crespo, tha të premten se zjarri duket se ishte ndezur qëllimisht dhe hetuesit po punonin për të zbuluar detaje të tjera.
