Java e parë e Kategorisë Superiore nuk u mbyll ashtu siç pritej nga Partizani. ‘Të kuqtë’ e kryeqytetit u mundën me rezultatin 1-0 nga skuadra e Teutës dhe kjo vetëm për shkak të një pakujdesie të portierit Alban Hoxha.
Kjo ka bërë që tashmë te ‘Demat’ të merren masa për të mos ndodhur më një ngjarje e tillë, e cila mund t’ju kushtojë shumë në vijimësinë e kampionatit.
Tashmë te Partizani nuk do të zhvillohet një, por dy stërvitje në ditë, ndërsa ky vendim i trajnerit Ilir Daja duket se do të vijojë për një kohë të gjatë dhe tashmë ‘Të kuqtë’ do jenë paradite dhe pasdite në fushë.
Ndeshja e javës së dytë për Partizanin është ajo kundër Skënderbeut që do mbahet të shtunën në orën 16:45 në transfertë në Korçë./Gijotina.com
