Drejtësia në vend po merr “dhenë” dhe këtë gjë na e dëshmon më së miri rasi i Ardit Shehut. I riu me aftësi të kufizuara prej 4 vitesh ndodhet në burgun e Zaharisë i akuzuar për dhunë në familje, ndërsa babai i tij kërkon i shqetësuar që i biri të lirohet nga qelia duke akuzuar gjyqtaren dhe prokuroren se nuk zhvillojnë seancat. Ai shton se togat e zeza janë me raport, kanë frikë nga vetting, e për këtë arsye kanë lënë pas dore shqyrtimin e cështjes së djalit të tij i cili po mbahet peng.
Albert Shehu thotë se djali i tij nuk përbën rrezik për shoqërinë dhe është në gjendje për të dalë jashtë, duke theksuar se edhe po të jetë normal, qëndrimi brenda katër mureve nuk i bën mirë.
Djali im ka 38-muaj në burgun e Zaharisë. Kam bërë kërkesë për lirimin e tij dhe këto po më sorollat Elita Hoxha e cila vetë është me probleme dhe Adelina Zarka është gjyqi i gjashtë që më shtyn. Djali është për dhunë në familje. Djali nuk përbën rrezik për shoqërinë. Ai është shumë mirë por atje në burgun e Zaharisë ikën edhe ai që është normal.
Unë sot fajësoj gjykatën e shkallës së Parë Fier që po ma mban djalin peng. Sot, gjyqtarja qenka me raport. Për tre ditë mungesë ne na heqin nga puna. Gjykatësja ka tre muaj. Jam drejtuar në KLGj dhe nuk më zëvendësojnë gjyqtaren. Djali ka 38 muaj brenda. Unë kërkoj ndryshimin e masës së sigurisë. Gjyqtarja nuk ka ardhur as sot”, thekson ai. / A.L Gijotina.com /
