Në seancën plenare, LSI-ja përmes deputetit Petrit Vasili kërkoi më shumë kohë për pozicionim e katër deputetëve të forcës së tij në Komisionet Parlamentare.
Pjesë nga debati:
Vasili: Nuk kemi pasur asnjë komunikim nga Kuvendi, prandaj dhe ne e kemi pasur të pamundur të deklarojmë preferencën tonë. Hajde së bashku ta zgjidhim këtë. Kjo nuk vjen për shkakun tonë por për shkak të kuvendit.
Lindita Nikolla: Njoftimi është bërë në faqen zyrtare të kuvendit. Por gjithsesi ne do ta përmbushim këtë detyrim sepse jemi për t’iu përmbajtur rregullave të kuvendit. Do ju kontaktojnë nga sekretaria e kuvendit.
Në momentin kur opozita ka bojkotuar seancën, në Kuvend ka qëndruar kryetarja e LSI, Monika Kryemadhi, dhe deputetët e tjerë të kësaj force politike.
