Dhjetëra trupa janë gjetur në një lumë në rrethin Panna të Madhya Pradesh të Indisë dhe kanë shkaktuar panik, thanë zyrtarët dhe banorët të mërkurën. Një ditë më parë kufoma u gjetën edhe në lumin Ganga në Bihar dhe Uttar Pradesh.
Kufomat e gjetura në lumë besohet se janë viktima të Covid. Banorët thanë se trupat po notonin në lumë në Panna për katër ditë, por çështja u bë publike të martën pasi një video e kufomave u bë virale në mediat sociale.
“Trupat e dekompozuar mund të shihen lehtësisht në lumë. Ne nuk e dimë nëse trupat u përkasin njerëzve të infektuar me Covid-19 apo jo, por kjo është për herë të parë që kemi parë trupa lundrues në këtë lumë. Nuk po lejojmë fëmijët të dalin nga shtëpitë pasi kemi frikë nga përhapja e sëmundjes në fshat, ” tha Rajesh Yadav, banor i Panna.
Ministri i Burimeve Ujore të shtetit Bihar në verilindje të Indisë, Sanjay Kumar, njoftoi sot përmes Tëitter se një rrjetë u vendos në lumë në kufi me shtetin e Uttar Pradesh.
Zbulimi i 71 trupave në shtetin e Bihar ka ringjallur frikën se koronavirusi tashmë po bën kqrdinë në zonat rurale të Indisë.
