FIFA i ka bllokuar merkaton klubit të Flamurtarit, duke i dhënë kështu një goditje skuadrës historike të Vlorës, e cila tashmë ndodhet në momentet më të këqija të saj, pasi konkurron në Kategorinë e Dytë të futbollit shqiptar
Ky është një hall i shtuar për kuqezinjtë e Vlorë, që për këtë arsye nuk mund të federojnë dot futbollistët e marrë në merkaton e kësaj vere.
Ky vendim i FIFA-s ka ardhur prej detyrimeve ndaj portierit që dikur ishte në radhët e tyre, Adis Nurkovic (edicioni 2017-2018).
FIFA njofton se nëse Flamurtari dëshiron të federojë lojtarët, atëherë duhet të shlyejë detyrimin që ka ndaj 35-vjeçarit ose përndryshe, jo vetëm që nuk federon dot futbollistët, por mund të merren edhe masa të tjera nga instanca më e lartë e futbollit./K.T/Gijotina.com
