Kryeministri i Shqipërisë, Edi Rama duket se nuk ka hequr dorë nga bashkëpunimi me Partinë Demokratike në Kuvend. Rama tha se është i gatshëm të dialogojë me PD, ndonëse nuk janë të detyruar të merren vesh për të gjitha.
“Ky adresim kaq i rëndësishëm për votëbesimin e qeverisë së re do të ishte krejt i mangët, nëse përpara do të flas për investimet, taksat, nuk do të flisja për elefantin në këtë vend. Duam apo s’duam të rrimë bashkë, në një çati, për 4 vite. Jo me kë na pëlqen të kemi përkrah, por dhe kë kemi përballë. Nuk jemi të detyruar të merremi vesh për gjithçka, madje mund të mos merremi vesh për asgjë. Por progresi nuk varet nga sa shpesh bien dakord qeveria me opozitën, por mënyra si adresojnë.
Ndër të tjera, shtoi se dora vijon të mbetet e shtrirë për PD, duke thënë se me sherr e shamatë kanë humbur mundësinë për të bërë më shumë.
Tjetër të polemizosh, tjetër të shahesh e kërdisesh. Tjetër të votosh kundër, tjetër të grisësh fletën e votimit. Të gjithë nuk kemi shkëlqyer në sytë e qytetarëve. Shumë skena dhe fjalë për të cilat s’mund të jemi krenarë. Shumë sherr e shamata për të mos dalë askund. Shumë mundësi të humbura për të bërë më mirë.
Kur dalim që këtu pasi lëmë nam, gjithmonë fajin se kemi ne, por gjithnjë ata, pala tjetër, si kalamajtë e ka kush e ka. S’dua të drejtoj gishtin te pala tjetër, por mbaj fajin tim, për aq sa na takon. Dora jonë është e shtrirë drejt PD, vijë mendimi, jo fjalë për kaluar radhën. Të jemi të qartë, nuk duam lëshim nga ju, jemi gati të dialogojmë për çdo lëshim që ju doni. Nuk synojmë të arrijmë asnjë kompromis që nuk dëshironi”, tha Rama.
Pas prezantimit të programit qeverisës në Kuvend, pritet të bëhet dhe miratimi i kabinetit të ri qeveritar për katër vitet e ardhme.
