Juventusi ka pësuar dy humbje dhe ka barazuar ndaj skuadrës së Udinezës përpara se të fitonte duelin e parë sezonal ndaj Malmos. Një kundërshtar jo shumë i rrezikshëm ku bardhezinjtë shënuan tre gola në pjesën e parë për të administruar më pas avantazhin. Trajneri Allegri udhëzoi skuadrën të mbante portën e paprekur dhe të rriste përqindjen e mbajtjes së topit. Lojtarët bënë detyrat e kërkuara dhe në fund morën një fitore shumë të rëndësishme. Në Kontinasa ditën e sotme trajneri u ka thënë lojtarëvë që të bëjnë pressing shumë dhe të njohin lëvizjet e lojtarëvë të Milanit, kundërshtari i radhës në kampionat. Livornezi dëshiron një skuadër agresive që e mban kundërshtarin larg zonës së tyre. Ndaj Milanit pritet një Juventus sulmues ku fitorja është detyrim për të dalë nga kriza e rezultateve negative në Serie A.
