Tani është bërë traditë, që shqiptarët të jenë krerët e “shtëpive të barit” në Angli. Dy shqiptarë të arrestuar për kultivim droge kanë marrë dënimin e tyre nga Gjykata e Leicester. Mediet angleze shkruajnë se Orland Aliu dhe Xhelai Islami janë dënuar në total me 7 vite e 8 muaj burg. Aliu u dënua me 5 vite e 2 muaj burg, ndërsa Islami me 2 vite e 6 muaj burg.
Ata u arrestuar më 31 janar, gjatë një aksioni të policisë britanike. Gjatë bastisjes së banesës së tyre, policia gjeti në të 550 bimë kanabis. Ata u zbuluan teksa një bandë rivale, tentoi të hynte më forcë në “shtëpinë e barit”, për të vjedhur bimën narkotike.
Fillimisht me bandën rivale ata u përleshën në një kafene afër shtëpisë së tyre. Përleshja çoi që dëshmitarët të njoftonin policinë për ndihmë, e cila me anë të kamerave të sigurisë si dhe një arme gjahu, që gjetën në ngjarje, arritën që të gjenin “shtëpinë e barit”.
