Kryetari i grupit parlamentar të Partisë Socialiste, Taulant Balla ka mbledhur paraditen e sotme, grupin parlamentar në selinë rozë.
Mësohet se, Balla iu ka kërkuar deputetëve që të nisin punën për të adresuar ndryshimet e nevojshme kushtetuese për të zgjatur procesin e Vettingut, duke qenë se mandati i KPK-së dhe Komisionerit Publik mbaron Qershorin e ardhshëm.
Në mbledhje nuk ka qenë i pranishëm kryeministri Edi Rama, pasi ndodhet në New York ku pritet të marrë pjesë në një takim të organizuar nga Asambleja e Përgjithshme e Organizatës për Kombet e Bashkuara me temë “Kuptimi i Paqes dhe Qëndrueshmërisë në shekullin e 21-të”.
