Ndërtimi i stadiumit të Partizanit duket se është drejt përfundimit, me pjesën kryesore të punimeve që janë mbyllur.
Në një postim në faqen zyrtare të ‘Demave të Kuq’ në rrjetet sociale bëhet me dije se punimet po ecin me ritme të larta dhe se shumë shpejt skuadra do luajë në shtëpinë e saj.
“Në tribunën qendrore kanë përfunduar plotësisht sistemet e koindicionimit, sistemet hidrosanitare, sistemet elektrike dhe vetratat e duraluminit Ditët në vijim nis shtrimi i fushës dhe montimi i ulëseve të stadiumit Ecuria e punimeve po vijon me ritme shumë të shpejta jo vetëm për stadiumin, por edhe në ambientet e tjera që do të vihen në funksion të Akademisë së Partizanit, fushat stërvitore, hoteli, zyrat e administratës!”-shkruhet në postim e Partizanit.
Stadiumi është duke u ndërtuar në periferi të kryeqytetit, ndërsa është duke u pritur me shumë padurim nga të gjithë mbështetësit e klubit të kuq. Ndërsa rikujtojmë që Partizani ka rreth 12 vite pa një shtëpi dhe të gjitha ndeshjet pritëse i ka zhvilluar në ambiente ku ka gjetur hapësira./K.T/Gijotina.com
