Kreu i Këshillit Kombëtar të Partisë Demokratike, Bujar Nishani ka deklaruar se ai vetë do të largohet nga politika nëse pas ankesave që ka depozituar PD në KAS do të ndryshojë rezultati i zgjedhjeve.
I ftuar në “Dekalog”, Nishani tha se nëse ndodh kjo gjë, ai vetë do t’i kërkojë falje kryedemokratit Lulzim Basha dhe do të tërhiqet nga politika.
“Nëse pas ankesave të PD-së merret vendimi të ndryshojë rezultati i zgjedhjeve në favor të PD unë do largohem përfundimisht nga aktiviteti politik. Do t’i kërkoj falje Lulzim Bashës, nuk do flas kurrë më publikisht dhe do merrem vetem me jetën time private, por jo me atë publike. Nuk do flas më,”– tha Nishani ndër të tjera.
