Arkimend Lushaj i njohur si Stresi ka komentuar Rrëmbimi i Kozak Braçit. Lushaj shkruan se i njeh të dyja palët e përfshira në konflikt dhe ka tentuar të shuajë kontradiktat mes grupeve. Sipas tij, 10 më parë në Sarandë ka ndodhur një tjetër konflikt mes palëve.
“Tani i njohim të dyja palët, Fabion e kam vëlla e di gjithë Shqipëria. Nuk e hedh poshtë sot e një mijë vjet. Edhe Kozin e njohim, më ka ardhur shumë keq për të, realisht tani që po flasim, po tani cca me bo. S’kemi ç’bëjmë. Vëllai a e mban mend kur thosha unë që është shumë keq me tu sharë në publik familja. Neve na ka ndodh krejt artistëve realisht. Është gjëja më e rëndë që mundet t’i ndodhë dikujt. Mirëpo, këta zgjodhën rrugën më të lehtë, ka rrugë edhe më të rënda kur të preket familja. Unë jam munduar me e shuar me çdo kusht këtë punë, edhe para 10 ditësh në Sarandë, por është diçka që është e kot”, shkruan Stresi në profilin zyrtar.
Kozak Braçi u mor peng dhe u rrah ditën e djeshme pasi publikoi një video në Instagram duke ofenduar me një fjalor banal Fabio Dushkun. Vëllai i Dushkut, së bashku me tre persona të tjerë, morën peng në makinë Braçin dhe e dhunuan. Të gjithë ngjarjen ata e transmetuan live në “Tik Tok”, duke e detyruar të riun të thoshte edhe fjalë banale duke ofenduar veten. Policia identifikoi dhe shpalli në kërkim autorët. Ndërkohë që konflikti mes palëve rezulton të jetë i hershëm dhe kjo faktohet në videot e ndryshme që palët kanë publikuar në rrjetet sociale.
