Zjarri në Kadastrën e Durrësit ka ngritur dyshime të forta për policinë, e cila deklaroi se flakët kanë përfshirë sallën e serverëve, kur ruhen të gjitha të dhënat e këtij institucioni të rëndësishëm për pronat e shqiptarëve. Ende nuk ka një deklaratë zyrtare për dëmin e shkaktuar, por që specialistët flasin për krijimin e problemeve të mëdha nga ky zjarr, i cili dyshohet paraprakisht se ka rënë për shkak të një cigareje të harruar ndezur.
Burimet nga grupi hetimor thanë se zjarri u shkaktua nga një cigare e harruar ndezur nga një punonjës IT (inxhinier telekomunikacioni), i cili e kishte ndezur teksa punonte. Menjëherë, punonjësit kanë parë tymin që dilte nga dhoma e serverëve dhe kanë njoftuar shërbimin zjarrfikës.
Në vendin e ngjarjes ka shkuar dhe policia, por mbetet i dyshimtë fakti se punonjësi ka ndezur cigare pa dashje në dhomën e serverëve, ku ndalohet kategorikisht një veprim i tillë. Megjithatë, policia ka ngritur dyshime mbi këtë ngjarje dhe po heton për zbardhjen e plotë të saj. Nga ana tjetër, policia po merr në pyetje punonjësin e IT, por edhe punonjës të tjerë që ndodheshin në godinën e Kadastrës së Durrësit, e cila është zhvendosur në korrik të këtij viti në Prezë të Tiranës, së bashku me agjencitë e Tiranës, Krujës dhe Kavajës.
