Procesi i gjatë i përfundimit të kujdestarisë së Britney Spears po vjen drejt fundit e ndërkohë që këngëtarja pritet të fitojë lirinë e saj, detaje të tjera shokuese dalin në dritë.
Sipas medieve të huaja, çdo veprim i Spears monitorohej nga i ati i saj dhe kompania e sigurisë të cilën ai kishte punësuar për ta “mbrojtur” yllin e Pop-it. Ata monitornin komunikimin dhe ndërveprimet e saj me njerëzit e tjerë, e detyronin të merrte ilaçe me forcë, regjistronin fshehurazi në dhomën e saj edhe kur ajo ishte me të dashurin, duke shkelur plotësisht privatësinë e këngëtares.
Alex Vlasov, një ish-punonjës i kompanisë së sigurisë për të cilën bëhet fjalë, ka vendosur të zbulojë mënyrën shokuese si kontrollohej çdo veprim i Britney Spears, për plot 13 vite.
“Telefoni i saj dhe bisedat private përdoreshin për ta kontrolluar. Ajo nuk trajtohej si qenie njerëzore”, tregoi Vlasov.
Avokati i babait të Spears, tha për këtë se çdo veprim ishte brenda parametrave të fuqisë së vendosur nga gjykata për kujdestarinë e saj. Britney Spears është vendosur nën kujdestarinë e plotë të babait të saj që nga viti 2008, duke u konsideruar e paafte për të marrë vendime vetë. Prej kohësh ajo kërkon që kujdestaria të hiqet dhe ti jepet e drejta për të vendosur vetë për jetën dhe karrierën e saj.
