Presidenti i Këshillit Europian, Charles Michel, ka kërkuar nga kryeministri i Kosovës Albin Kurti dhe nga presidenti serb Aleksandër Vucic të tërhiqen për të shmangur tensionet në veri të vendit.
Me anë të një postimi në “Twitter”, ai shkruan se po mban kontakte të ngushta me kreun e BE-së për Politikë të Jashtme dhe Siguri, Josep Borrell lidhur me situatën në veri. Kreu i Këshillit Europian ka bërë thirrje që të tërhiqen Njësite Speciale te Kosovës dhe barrikadat në pikat kufitare Jarinje dhe Bërnjak.
“Në kontakt të ngushtë me Josep Borrell. Koha që Serbia dhe Kosova, Aleksandar Vucic dhe Albin Kurti, të tërhiqen dhe të mos e përkeqësojnë situatën, të bëjnë tërheqjen e Forcave Speciale dhe barrikadave dhe të vazhdojnë negociatat sipas propozimeve të Emisarit të Lartë të BE-së, Miroslav Lajçak”, ka deklaruar ai.
Pres shtatë ditësh situata ka qenë e tensionuar në pikat kufitare Bërnjak dhe Jarinjë, ku pasi qeveria e Kosovës vendosi reciprocitetin për targat serbe, këta të fundit në shenjë proteste bllokuan rrugët në veri.
