Në datën 1 dhe 2 tetor në teatrin “Aleksandër Moisiu” në qytetin e Durrësit, do të ngjitet në skenë komedia “Duke edukuar Ritën” e Willy Russell, me regji të Kiço Londos.
Përkthyer mjeshtërisht nga Artur Lena me Laura Nezhën si parukiere dhe Mehmet Xhelilin si pedagog letërsie, për dy net me radhë komedia do të performohet në skenën e teatrit në orën 19:00, duke iu dhuruar të qeshura pa fund.
Çfarë duhet për të ndjekur një ëndërr? A mundet një kërkim i tillë të tjetërsojë komunitetin dhe historinë tuaj? Ja vlen?
Përmes një bashkimi të lezetshëm dhe të frymëzuar të komedisë dhe dramës, regjisori Londo përpiqet t’u përgjigjet këtyre pyetjeve duke festuar mundësitë e edukimit dhe transformimit.
