Ish kryeministri Sali Berisha në takimin e tij me demokratët në Durrës, është shprehur se kryetari i PD, Lulzim Basha ka dështuar në çdo nismë nga viti 2013 deri sot.
Berisha tha se në gjithë këto vite, Basha nuk ka marrë asnjë veprim apo aksione për të treguar vendit një qeverisje të tillë.
“Besoj se biem në dakord në këto zhvillime edhe dramatike për ne shqiptarë, pjesën e vet të pamohueshme e ka opozita, e cila në këto vite nuk arriti kurrë të organizojë aksione dhe veprime për të treguar vendit një qeverisje të tillë, përkundrazi dështoi në çdo nismë nga viti 2013 gjer sot. Ky dështim padiskutim që përgjegjësia i përket atij që ishte në timonin e PD”- tha Berisha gjate takimit me demokratet e Durresit.
Lideri historik demokrat, Sali Berisha, deklaroi në Foltoren e Durrësit, se kërkon ndjesë për shkak se nuk ishte i vëmendshëm ndaj zhvillimeve në PD.
