Trajneri i Anglisë, Gareth Southgate i ka bërë ftesë mbrojtësit Fikayo Tomori, sulmuesit Ollie Watkins dhe portierit Aaron Ramsdale në skuadrën e tij për kualifikueset e Kupës së Botës kundër Andorës dhe Hungarisë.
Mesfushori i Manchester City, Phil Foden gjithashtu kthehet pas një dëmtimi në këmbë, lajm ky që është shumë pozitiv për përfaqësuesen e ‘Tre Luanëve’.
Mbrojtësi Harry Maguire dhe mbrojtësi i djathtë Trent-Alexander Arnold po ashtu e kanë kaluar dëmtimin e tyre dhe do të jenë gati për Kombëtaren angleze.
Anglia do të udhëtojë në drejtim të Andorrës të shtunën, 9 tetor, ndërsa më pas do të presë Hungarinë të martën e 12 tetorit./K.T/Gijotina.com
