Pas takimit të kryeministrit Rama dhe të dërguarit të BE Josef Borrell, reagime kanë ardhur nga deputetë të Partisë Demokratike. Ish-ministri i Shëndetësisë dhe deputeti i PD, Tritan Shehu me një postim në Facebook deputeti shkruan se Rama po kërkon të fshihet si struci nga dështimet e tij për procesin e integrimit. “Shqipërinë e ka marre peng Rama dhe jo Bullgaria me MV e as BE.
“Rama mbas takimit me Borell përsëri kërkon të fshihet si struci për dështimin e tij të radhës ne procesin tonë të integrimit. Integrimi evropian është një proces individual i çdo shteti në bazë të standardeve të plotësuara. Edhe vetë Borell e theksoi këtë kur tha se presim rezultate konkrete nga çdo vend. Fatkeqësisht Shqipërisë që prej vitit 2014 jo vetëm nuk po i pakësohen kushtet që duhet të plotësojë, por po i shtohen nga 3 ne 7 ne 9 e tashti u bënë 15”, ka shkruar ai.
Ai gjithashtu shkruan se Rama nuk e do intregrimin europian pasi ai po përpiqet për “integrimi lindor”. Ndërkohë që pengesën nga konflikti Bullgari-Maqedoni e Veriut ai e ka konsideruar një gënjeshtër me bisht.
