Një tragjedi është shënuar në familjen e ish-presidentit të Palermos Maurizio Samparini. Ai ka rrëfyer në dhimbje e lot, për mediat Italiane gjithë trishtimin për vdekjen e djalit të tij Armando, i gjetur i pajetë në Londër në moshën 23 -vjeçare.
“Armandino vdiq vetëm një ditë para se të fillonte të punonte në një kompani të madhe”, tha ish-presidenti i Palermos në lot – i dërgova një mesazh të enjten, një ditë më parë duke i thënë: ”Paç fat bir!”.
Por unë nuk mora asnjë përgjigje, sepse Armandino kishte ndërruar jetë pardje, ishte një tragjedi e pafund”.
Do të jetë autopsia në orët e ardhshme për të hedhur dritë mbi vdekjen. Nga testet e para, dyshohet një arrest kardiocirkulues, ose në çdo rast një sëmundje fatale. Ish-presidenti i Palermos mohoi që djali i tij vuante nga sëmundjet e mëparshme të zemrës: “Ai vuante nga bronkiti i rëndë në të kaluarën, i cili i shkaktoi probleme të ndryshme, por asgjë tjetër më shumë”.
