Durrësi është tronditur nga shtënat e armë zjarri pak minuta më parë. Një 44- vjeçar i identifikuar si S.M në lagjen nr.15, Durrës, duke qarkulluar me automjet, si pasojë e një konflikti për motive të dobëta, dyshohet se ka qëlluar me armë zjarri në drejtim të banesës së personit të identifikuar me iniciale E. Sh., 29 vjeç, banues në Durrës.
Nga të shtënat nuk ka persona të lënduar.
Autori i dyshuar i ngjarjes, pasi ka qëlluar me armë është larguar me shpejtësi por brenda pak minutash është kapur dhe është shoqëruar në Polici, për veprime të mëtejshme.
Pritet që motivi i kësaj ngjarjeje që mund të kishte përfunduar me viktima, të zbardhet pas marrjes në pyetje të autorit nga uniformat blu.
Ndërsa, grupi hetimor nën drejtimin e Prokurorisë së Rrethit Gjyqësor Durrës, vijon punën për zbardhjen dhe dokumentimin e plotë të rrethanave të ngjarjes.
