Erling Haland është grumbulluar nga kombëtarja e Norvegjisë për sfidat e radhës në kualifikueset e Botërorit por trajneri i Dortmund, Rose është shprehur i nervozuar për shkak të dëmtimit të sulmuesit i cili duhet të ushtrohet për riaftësimin e tij.
“Nuk dua t’i shuaj shpresat askujt. E vetmja gjë që mund të them është situata aktuale. Erling ka disa ditë që mundohet të luajë. Kush e njeh, e di që ai dëshiron të luajë gjithmonë. Nuk ia doli në Ligën e Kampioneve, nisi nxemjen në Gladbah dhe këtë herë nuk funksionoi gjithashtu. Dhe më tha “mister, do të më pëlqente të luaja, por nuk mund të lëviz si do të dëshiroja. Nuk mundem as të ec….
Unë e kuptoj federatën e Norvegjisë. Por edhe ai është një qenie njerëzore, jo një makinë. Nëse nuk funksionon, nuk funksionon. Duhet që ta kthejmë të shëndetshëm për Borusian, por edhe për Norvegjinë. Kjo është e njëjta gjë që thotë edhe Erling dhe duhet ta çlirojmë nga trysnia dhe të mos pyesim për gjendjen e tij çdo ditë”, deklaroi trajneri për sulmuesin.
