Ditën e sotme është mbledhur Komisioni i Sigurisë Kombëtare në drejtimin e Nasip Naços ku po shqyrtohet dekreti i Presidentit të Republikës Ilir Meta për të huajt.
Në nisje të këtij diskutimi për ligjin në fjalë, ka ndodhur një “përplasje” pasi deputeti i Partisë Demokratike Ervin Salianji ka “ngritur zërin” ndaj ministrit të Punëve të Brendshme Bledi Çuçi.
Ky i fundit kishte ardhur në sallë me një maskë që kishte logo të Partisë Socialiste dhe kjo solli edhe reagimin e Salianjit. Deputeti i PD tha se opozita logon e PS në maskë e shesh si provokim dhe nuk do ta tolerojë.
“Pavarësisht përkatësive partiake, ne këtu jemi në institucionin e Kuvendit dhe përfaqësojmë gjithë qytetaret shqiptare. Ministri i Brendshëm si përfaqësues i qeverisë dhe që paguhet me taksat nuk mund të qëndrojë në sallë me maskë me logon e Partisë Socialiste. Ne nuk e pranojmë dhe e konsiderojmë provokim, reklamimi i simboleve partiake në institucione shtetërore, e ka bëëe rrugë Rama, nuk mund ta tolerojmë ne qe jemi të pranishëm.”
Më pas, Ministri Çuçi e ndërroi maskën.
