Të martën, 18 maj, do të mbahet gjysmëfinalja e parë e Eurovision 2021, e cila do të jetë e ndryshme nga të gjitha ato të mëparshme për shkak të pandemisë së koronavirusit. Mbrëmja e dytë gjysmëfinale është planifikuar për të enjten, 20 maj dhe finalen e madhe për të shtunën, 22 maj.
Rotterdam në Holandë është vendi i konkursit muzikor të këtij viti, falë fitores së Duncan Lawrence në garën e këngës Eurovision 2019 në Tel Aviv.
Pas konkursit të anuluar të Eurovision në vitin 2020, e gjitha për shkak të pandemisë COVID-19, organizatorët Hollandezë vendosën të konfirmojnë Roterdamin si nikoqirin e garës së këtij viti në Eurovision, në skenën që ishte planifikuar edhe për vitin e kaluar.
Qeveria Hollandeze ka vendosur të mbajë edicionin eksperimental të këtij viti në Eurovision në prani të 3,500 spektatorëve dhe sipas planit të ri, ngjarja do të ndiqet vetëm nga ata që kanë një test negativ Covid-19 me vete.
