Shtatë persona kanë përfunduar, mëngjesin e kësaj të mërkure në prangat e policisë së Tiranës.
Blutë bëjnë me dije se është arrestuar personi i identifikuar me iniciale R. G, 40 vjeç, pasi ka ushtruar dhunë fizike dhe psikologjike ndaj vëllait të tij; E. B, 32 vjeç, pasi ka ushtruar dhunë fizike ndaj bashkëjetueses së tij; E. M, 45 vjeç, pasi ka ushtruar dhunë fizike dhe psikologjike ndaj mbesës së tij.
Po ashtu policia bën me dije se mëngjesin e kësaj të mërkure është arrestuar edhe personi i identifikuar me iniciale T. K, 34 vjeç, i cili ishte në kërkim dhe pritet të përballet me akuzën për veprat penale “Falsifikimi i dokumenteve”, “Falsifikimi i dokumenteve shëndetësore”, “Falsifikimi i vulave, i stampave ose i formularëve” dhe “Prodhimi i mjeteve për falsifikim të dokumenteve”. 40- vjeçari u kap në Pikën Kufitare Rinas, duke ardhur nga Gjermania.
Prangave të policisë nuk u ka shpëtuar as i riu i identifikuar me iniciale V. H, 28 vjeç, i cili ishte në kërkim, dhe me vendim Gjykate pritet të përballet me akuzën për veprën penale “Kultivimi i bimëve narkotike”.
Në përfundim të aksionit policor janë vënë në pranga edhe personat e identifikuar me iniciale D. S, 31 vjeç, pasi duke drejtuar mjetin në gjendje të dehur, është përfshirë në një aksident vetëm me dëme materiale; R. P, 27 vjeç, pasi u kap duke drejtuar mjetin pa lejen përkatëse.
