Gjatë 24 orëve të fundit në Kosovë është raportuar një viktimë si pasojë e Covid-19. Sipas Ministrisë së Shëndetësisë në këtë periudhë kohe kanë rezultuar pozitivë me virusin 25 qytetarë, nga 2. 730 testime të kryera.
Në 24 orët e fundit janë injektuar 12.005 doza të vaksinës kundër Covid, ndërsa që prej fillimit të vaksinimit në të gjitha qytetet e Kosovës janë injektuar 1.419.979 doza të vaksinës.
Gjatë 24 orëve janë shëruar 362 qytetarë, ndërsa numri i përgjithshëm i të shëruarve është 156.033. Në total numri i rasteve aktive është 1.335. Shifrat e Covid janë rritur krahasuar me ditën e djeshme ku u shënua një viktimë.
