Gjyqtari James Adcock i ka habitur të gjithë me deklaratat e bëra së fundmi. Arbitri që ka vendosur drejtësi në më shumë se 500 ndeshje futbolli ka folur për orientimin e tij seksual.
Në një intervistë për ‘BBC’ Adcock theksoi se ai është homoseksual dhe se kolegët e tij janë krenarë,
“Tani të gjithë kolegët e mi e dinë, dhe kjo është normale. Dhe, për të qenë i sinqertë, ka pasur interes nga kolegët që thonë: ‘Unë jam krenar për ty James, që ti je në gjendje të shprehësh hapur orientimin tënd në sport.’, sepse ata njohin barrierat në Angli. Unë nuk kam pasur asnjë abuzim homofobik ndaj meje dhe nuk mund t’ju tregoj një histori ku më është dashur ta luftoj ose ta kapërcej atë.”-tha Adcock.
Theksojmë se ai është figurë e njohur në sportin anglez, pasi ka gjykuar ndeshje që nga nivelet amatore e deri te Premier League./K.T/Gijotina.com
