I mbijetuar i Holokaustit Eddie Jaku, i cili e përshkroi veten si “njeriu më i lumtur në tokë” ka vdekur në moshën 101 -vjeçare.
Jaku vdiq në një shtëpi të kujdesit në Sidnei. Ai ka jetuar në Australi që në vitin 1950. Jaku ka lënë gruan e tij 75 vjeçare, Floren, djemtë e tyre Michael dhe Andre, katër nipër e mbesa dhe pesë stërnipër e mbesa.
Gjatë Luftës së Dytë Botërore, ai u burgos në katër kampe përqendrimi, udhëhoqi një arratisje të guximshme në një tren, u çlirua nga një marshim vdekjeje dhe mbijetoi në një pyll.
Jaku i kushtoi pjesën tjetër të jetës së tij duke mbrojtur paqen dhe mirësinë. “Unë nuk urrej askënd. Urrejtja është një sëmundje që mund të shkatërrojë armikun tuaj, por gjithashtu do t’ju shkatërrojë ju,” deklaronte ai.
Vitin e kaluar, për të festuar 100-vjetorin e lindjes, Jaku publikoi kujtimet e tij. Titulluar, “Njeriu më i lumtur në Tokë”, ai tregoi historinë e tij të jashtëzakonshme të mbijetesës, duke gërshetuar në mesazhet e tij të tolerancës dhe faljes. Gjithashtu e bëri atë një nga autorët më të vjetër të botuar në botë.
