Nënkryetarja e PD-së, Grida Duma, në një intervistë për A2, thotë se Kuvendi nuk ka shans të mblidhet, pasi sipas saj nuk ka një nen në status që të mblidhet Kuvendi për të marrë në shqyrtim vendimin e marrë nga kryedemokrati Lulzim Basha për të përjashtuar nga grupi i PD ish-kryeministrin Sali Berisha
“Nuk ka një nen të tillë në statut Alba sepse nuk e ka. Ma thoni ju cili është sepse nuk ka një nen. Ndoshta mund t’i referohet trashëgimisë apo precedentëve se si përgjithësisht janë marrë hapa të tillë kur të ka kërkuar Amerika…, këtë nuk e di unë se çfarë i referohet. Por, një nen statutor që kalon kjo ngjarje, pse? Sepse edhe ata që e quajnë masë ndëshkimore, në atë moment nuk u diskutua si masë ndëshkimore, prandaj u vlerësua figura e z. Berisha. Pra, nuk ishte masë ndërshkimore sepse masë ndëshkimorë do të thotë përjashtim. Ishte pezullim, në mënyrë që vetë Partia Demokratike të forcojë lidhjet me Shtetet e Bashkuara dhe të ketë mundësi që edhe aksesin ta ketë më të lartë dhe Z. Berisha ndërkohë të vijonte me procesin e tij gjyqësor individual“- tha Grida Duma
Kujtojmë se Foltorja e Ish-kryeministrit Berisha po mbledh firmat për të thirrur Kuvendin Kombëtar, që do bëjë ndryshimet e nevojshme në statut për demokratizimin e partisë. Gjithashtu ishte edhe kreu i grupit parlamentar të PD, Alfred Rushaj që ndryshe nga Basha, Rushaj tha se 1500 delegatë mund të thërrasin Kuvendin Kombëtar.
