Dy nënkryetarët e PD, Jorida Tabaku dhe Enkelejd Alibeaj kanë depozituar padinë në SPAK për energjinë.
Sipas tyre, ata kanë shpërdoruar detyrën me veprimet e tyre, duke shytuar se kanë kryer një vepër penale si grup i strukturuar kriminal.
“Në shpresë dhe duke pritur që drejtësia e re dhe SPAK të vepronte, ne kemi bërë thirrje për sektorin energjitik. Kemi kallëzuar një kallëzim për 3 drejtuesit e sektorit energjetik. Ata janë përgjegjës për krizën që do të pësojnë shqiptarët në sektorin energjik. Në gush është shitur energjia me 60 euro kilovati, ndërsa pak ditë më parë e ka blerë mbi 230 euro.
Dëmi ekonomik është 10 mln euro për një nga lotet. Ndërkohë për të gjithë periudhën nëse do të ishte përdorur ajo energji elektrike që shpenzohet nga ne, do i kishim kursyer buxhetit të shtetit 150 mln euro. Këto janë asgjë nga ajo që ka përjetuar ky sektor, me vjedhjet që kanë ndodhur atje, me rritjet e energjisë elektrike dhe rritja që do të bëhet për muajt në vazhdim. Ky është një sektor plot me vjedhje. Sot qytetarët shqiptarë po vuajnë krizën e korrupsionit dhe atë të menaxhimit. Ne sollën këtu tre emra, por kjo ka ndodhur për shkak të vullnetit dhe mënyrës se si po qeveria. I bëjmë thirrje qeverisë që të marrë vendime që këto fonde korrupsioni, të kenë një përgjegjës për drejtësinë“- tha Tabaku.
“Ky është kallëzimi i parë që depozituam. Është një kallëzim që i drejtohet 3 drejtuesve të lartë që kanë në dorë energjinë e shqiptarëve. Ata janë kallëzuar për shpërdorim detyre, moskallëzim krimi e kryer në formë të grupit kriminal. Këta prokurorë duhet të vepronin me energji për këtë rast. Nuk e kanë bërë. Koha e pasarelave vanitoze në tapet të kuq duhet të marrë fund.
Por asgjë nuk ka ndodhur deri më tani, sepse Edi Rama ka zënë me dorë drejtësinë. Ne do ta vazhdojmë me kallëzime të tjera, për t’i depozituar pranë drejtësisë“- tha Alibeaj.
Lulzim Basha ditët e fundit ka akuzuar se nuk kemi të bëjmë me një krizë energjetike, por keqmenaxhim nga qeveria dhe OSHEE dhe për këtë arsye depozitoi padinë.
Edhe ditën e djeshme e paralajmëroi nga “Foltorja” e Parlamentit se do të depozitonte në SPAK këtë padi.
“Ndaj ne do të depozitojmë nesër (sot) kallëzimin penal, për t’ja vënë përpara fytyrës. Korrupsioni nuk duhet ta paguajnë qytetarët, por ata që abuzojë me djersën e tyre.
Kjo është vetëm një pjesë e krizës së korrupsionit që ka kapur prej fyti cdo familje. Sepse ajo që po ndodh përtej sektorit energjetik është po kaq e rëndë, ajo pasqyrohet në jetën e përditshme, varfërinë që sa vjen dhe shtohet” tha Basha dje në Kuvend.
