Lojtari më i mirë i momentit te Napoli, por edhe ndër më të mirët në botë, sulmuesi Victor Osimhen ka kujtuar jetën dhe rrugëtimin e tij deri më sot.
Një jetë aspak e lehtë mes vështirësive të Nigerisë, i është dashur të kalojë lojtarit më produktiv të muajit shtator, pra që së bashku me Karim Benzema te Real Madrid kanë shënuar nga 6 gola për klubet e tyre.
Osimhen ka rrëfyer për jetën e tij në Nigeri dhe se si e fitonte kafshatën e gojës, duke marrë vetëm 20 cent në ditë.
“Kur isha i vogël, adoleshent, pastroja ulluqet e çative për 20 Naira (5 cent), për pronarin e zonës ku banoja dhe merresha me pastrim për fqinjët, transportoja ujë, për 80 Naira (20 cent. Gjithçka nisi si në një ëndërr, një ëndërr e fëmijërisë nga lagjet e varfëria. Doja të bëhesha një lojtar profesionist, i frymëzuar nga shumë legjenda të mëdha si Didier Drogba, Odion Ighalo, Mikel Obi dhe shumë të tjerë. Vëllai im shiste gazeta, motra portokaj. Isha në trafik dhe duhet të ndiqja makinat që t’u jepja ujë dhe të merrja paratë. Ndihem sikur këto vështirësi më kanë ndihmuar në jetë”, -tha ylli i Napolit në një intervistë me bashkatdhetarin e tij Paul Troost-Ekong në Youtube.
Nigeriani u transferua sezonin e kaluar për 70 milionë euro nga Lille te Napoli. Ndërsa këtë vit ai po kalon një formë të shkëlqyer dhe të gjithë shpresat e tifozëve napolitan janë te ai.
Tashmë Osimhen është në krye të listave me lojtarët e dëshiruar të shumë klubeve të mëdha, të cilët dëshirojnë shërbimet e sulmuesit./K.T/Gijotina.com
