Peshëngritësi i njohur Pirro Dhima ka qenë në qendër të vëmendjes së fundmi, për shkak se braktisi të ëmën, e cila u gjet pas tre ditësh pa jetë nga fqinjët.
50-vjeçari shqiptar, i cili ka fituar shumë trofe në emër të shtetit grek, ka dhënë së fundmi një intervistë për mediat e shtetit fqinj ku tregon se si shoferi i Kryeministrit Konstantinos Mitsotakis i solli pasaportën që të largohej nga Shqipëria.
Pirro shkoi në Greqi në 7 shkurt 1991 dhe tregon se në 1 të mëngjesit u nis nga Tirana me një taksi, për të mbërritur në Athinë pas rreth 14 orësh.
“Ishte shkurt i viti 1991 kur hipa në një taksi për të ardhur nga Tirana në Athinë. Isha gati të fluturoja, por fluturimi u anulua. Mora një taksi për në Kakavi dhe prej andej një taksi tjetër për të arritur në Athinë. Kur erdhën prindërit e mi, morëm apartamentin në Solonos, gjysmë bodrum”-tha ai.
Më tej ai ka shtuar se që të ishte në gjendje të merrte pjesë në Lojërat Olimpike në Barcelonë i duhej të garonte në emër të Greqisë dhe shton se kishte marrë leje nga Federata Shqiptare e Peshëngritjes.
“Për të qenë në gjendje të garoja në Barcelonë, së pari më duhej të kualifikohesha. Federata e Shqipërisë më kishte dhënë leje për t’u transferuar në Greqi. Unë shkova të konkurroja me një pasaportë diplomatike dhe mora kualifikimin. Por unë e mora pasaportën në minutën e fundit. Pak para se të hipja në aeroplan, shoferi i Mitsotakis ma solli atë. Shkova në Barcelonë për një medalje, por nuk e dija se çfarë ngjyre do të ishte. Mbaj mend që kamerat erdhën në aeroport dhe kur erdhën për të më pyetur për qëllimet e mia, u thashë se po shkoja për medalje ari. Më në fund fitova medaljen e parë. Ashtu si e fundit, ato janë më të rëndësishmet në karrierën time. Kur u kthyem në Athinë ishte vërtetë e paparë. Moment jashtëzakonisht i madh” -përfundoi ai.
Teksa rikujtojmë se Pirro Dhima është atleti më i suksesshëm në historinë greke me katër medalje olimpike (3 ari, një bronz), 6 medalje ari në kampionatet botërore dhe tre në Europian (një total prej 26 medaljesh në të gjitha garat)./K.T/Gijotina.com
