Tre persona, babai dhe dy fëmijët e tij janë arrestuar nga policia e Lezhës pasi janë përfshirë në një konflikt me vjehrrin e motrës së tyre. Shërbimet e Policisë arrestuan në flagrancë dy vëllezërit për dhunë ndaj 53-vjeçarit.
Sipas policisë, dy vëllezërit Elton Keçani dhe Ardit Keçani kanë ushtruar dhunë ndaj vjehrrit të motrës së tyre për motive të dobëta.
Ata tentuan të merrnin dhe një armë zjarri që kishin në banesën e të atit, por falë ndërhyrjes së policisë është bërë e mundur arrestimi i tyre dhe është ndaluar përshkallëzimi i konfliktit. Më pas efektivët kryen kontroll në banesën e të atit të dy vëllezërve ku gjetën një armë kallashnikov dhe 90 fishekë.
Gjithashtu në pranga ka rënë dhe babai, 57-vjeçari Lazër Keçani.
Materialet do t’i kalojnë Prokurorisë pranë Gjykatës së Shkallës së Parë Lezhë, për veprime të mëtejshme.
