Ndryshe nga sa ishte njoftuar në fillim, ditën e sotme të gjithë studentët u lanë të futeshin në universitetin “Aleksandër Moisiu” në Durrës. Duket se ka pasur një ndryshim planesh teksa edhe studentët e pavaksinuar apo ata që nuk kanë pasur një test PCR, janë lejuar të futen në auditore dhe të bëjnë mësim.
Ndërsa të gjithë studentët janë në auditore, në universitin e Durrësit kanë mbërritur 3 përfaqësues nga Inspektoriati Kombëtar i Shëndetësisë të cilët pritet të kenë udhëzim për të dhënë lidhur me situatën e krijuar.
Mëngjesin e ditës së sotme, studentët e universitetit të Durrësit, thanë se nëse nuk do të lejoheshin të hynin në auditore atëherë do të detyroheshin të braktisnin vitin akademik.
