Ekzekutimi i Alban Semakut të njohur ndryshe si “Kinezi”, dyshohet të jetë planifikuar që në Lushnjë, ku edhe do të rrëmbehej, do torturohej e më pas do të lihej në një grumbuj me plehrash pranë lumit Shkumbin. Ky do të ishte fundi fatal i një tjetër anëtari të grupit “VIP” kriminal në vend Aldo Bares.
Trupi i pajetë i “kinezit” me dy plumba e një qese në kokë, është gjendur në një zonë të pa monitoruar nga kamerat. Megjithatë në përpjekje për të rënë në gjurmët e ekzekutorëve profesionistë, burime për gijotina.com sqarojnë se hetuesit kanë sekuestruar kamerat në të gjithë gjatësinë e rrugës ku Semaku dyshohet të jetë marrë me dhunë, deri në qytetin e Peqinit ku dhe është ekzekutuar.
Kujtojmë se 38-vjeçari është qëlluar me 2 plumba të kalibrit 9 mm një në shpinë dhe një në kokë.
Ndërsa policisë iu deshën disa orë të identifikojë kufomën. Sakaq, 38-vjeçari është emër i njohur për drejtësinë, pasi ka qenë pjesë e bandës së Lushnjes. Ai është arrestuar dhe dënuar për vepra të ndryshme penale, ndërsa në maj të këtij viti ka dalë nga burgu.
