Dhuna e tifozëve shqiptarë ndaj lojtarëve të kombëtares polake në ‘Air Albania’ u kritikua me tone të ashpra nga FIFA, e cila ende nuk ka dhënë një vendim përfundimtar në lidhje me ngjarjen në fjalë.
Teksa kanë bërë raport të kësaj ngjarjeje, mediat polake raportojnë se Shqipëria mund të gjobitet nga 100 deri 200 mijë euro dhe një ndeshje në shtëpi pa tifozë.
Ky vendim do i rëndonte shumë ekonomikisht, pasi kjo ishte hera e parë pas pandemisë që në vendin tonë zhvillohej një ndeshje me kapacitet të plotë të stadiumit.
Ndërkohë rikujtojmë që në deklaratën e saj pas kësaj ngjarjeje, FIFA theksoi se ndaj dhunës do të tregohet zero tolerancë.
“Asnjë tolerim për sjelljet e neveritshme. Federata botërore analizon raportet ditën e sotme dhe në ditët në vijim pritet të nxjerrë vendimin e duhur në lidhje me incidentin.”-shkruhej në njoftimin e organit më të lartë të futbollit botëror.
Ndërsa rikujtojmë se mbështetësit e skuadrës ‘kuqezi’ sulmuan skuadrën polake me shishe uji dhe objekte të tjera në momentin kur këta të fundit shënuar golin e vetëm dhe të fitores dhe po festonin para tifozëve tanë./K.T/Gijotina.com
