Një tjetër tërmet është regjistruar në Greqi mëngjesin e sotëm 5 km në verilindje të Arkalochorit, me një thellësi deri në 11.7 km.
Sipas asaj çka raportojnë mediat greke bëhet fjalë për një tërmet me magnitudë 4.3 të shkallës rihter. Lëkundjet janë ndjerë në disa zona, konkretisht në Kretë, Heraklion dhe Arkalochori. Sërish edhe pak kohë më parë, po në këto zona të Kretës janë ndjerë lëkundje, por me një forcë më të ulët, me magntidutë 3 të shkallës rihter.
Tërmeti në Kretë u regjistrua rreth orës 8 të mëngjesit, por përgjatë gjithë këtyre ditëve, në vendin fqinj janë ndjerë shpeshherë lëkundje.
